“Ölkə ərazisində su qıtlığının yaranması kənd təsərrüfatında problemlərə səbəb olur”. Sputnik Azərbaycan xəbər verir ki, bunu jurnalistlərə açıqlamasında Kənd təsərrüfatı naziri İnam Kərimov bildirib.
Nazir qeyd edib ki, bundan sonra suvarma sistemləri subsidiyalaşdırılacaq:
“Dünyada iqlim istiləşməsi, həmçinin quraqlıq hava şəraiti su probleminin yaranmasına səbəb olur. Azərbaycanda da kənd təsərrüfatı sahəsi bu problemdən ciddi təsirlənir. Azərbaycanda sahələrin suvarılmasında müasir suvarma sistemlərindən istifadə edilməsi üçün addımlar atılır. Suvarma sistemlərinin subsidiyalaşdırılması üçün əlavə vəsait ayrılıb.Yeni suvarma sistemləri suya qənaət edəcək və yeni su ehtiyatları yaradılacaq. Bunun üçün dövlət başçısı tərəfindən tapşırıqlar verilib”.
İnam Kərimovun fikirlərinə audiofaylda qulaq asa bilərsiniz
