BAKI, 23 iyul — Sputnik. Azərbaycanda koronavirusa yoluxan həkim dünyasını dəyişib. Sputnik Azərbaycan-ın məlumatına görə, koronavirusa yoluxan Suraxanı rayonu 23 saylı poliklinikanın sahə həkimi, terapevt Mətanət Atayeva bu gün səhər saatlarında vəfat edib. Həkimlərin səyinə baxmayaraq, xəstəxanada müalicə alan terapevtin həyatını xilas etmək mümkün olmayıb.
Xatırladaq ki, ötən ayın sonunda koronavirusa yoluxan M.Atayeva Ə.D. Məlikov adına 6 nömrəli Birləşmiş Şəhər Xəstəxanasına yerləşdirilmişdi.
