CƏMİYYƏT
Cəmiyyətin həyatında baş verən aktual hadisələr

Koreyadan Azərbaycana pandemiya yardımı - Tibbi maskalar gətirildi

© Sputnik / Murad OrujovПредприятие по производству медицинских масок в Сумгайытском химическом промышленном парке
Предприятие по производству медицинских масок в Сумгайытском химическом промышленном парке - Sputnik Azərbaycan
Abunə olmaq
İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova və Koreya Respublikasının səfiri Kim Tonq Op tərəfindən epidemiya əleyhinə yardım məqsədilə gətirilmiş əksepidemik vasitələrin Təhvil-Təslim Aktı imzalanıb.

Eldar Tanrıverdiyev, Sputnik Azərbaycan

BAKI, 22 iyul — Sputnik. Xarici İşlər Nazirliyində (XİN) Koreya Respublikası tərəfindən Azərbaycana epidemiya əleyhinə yardım layihəsi çərçivəsində gətirilən tibbi maskaların təhvil-təslim mərasimi keçirilib.

XİN-dən Sputnik Azərbaycan-a verilən məlumata görə, tədbirdə Xarici İşlər nazirinin müavini Ramiz Həsənov, İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova və Koreya Respublikasının fövqəladə və səlahiyyətli səfiri Kim Tonq Op çıxış ediblər.

R.Həsənov Azərbaycan və Koreya arasında qarşılıqlı anlaşma və etimada əsaslanan ən yüksək səviyyəli siyasi dialoqun hökm sürdüyünü, Azərbaycanın epidemiya ilə apardığı mübarizənin ilk günlərindən Koreyanın Azərbaycan ilə həmrəylik nümayiş etdirdiyini, maddi və mənəvi dəstəyini əsirgəmədiyini diqqətə çatdırıb.

Koreya tərəfindən Azərbaycanın müxtəlif qurumları üçün virusla mübarizə mövzusunda mütəmadi video seminarların keçirildiyini qeyd edən R.Həsənov Koreya Respublikası Hökuməti tərəfindən Azərbaycan Respublikası Hökumətinə tibbi maskaların təhvil verilməsinin Azərbaycan xalqı ilə həmrəylik rəmzi olduğunu qeyd edib və bu yardıma görə Xarici İşlər Nazirliyi adından təşəkkürünü bildirib.

Koreya Respublikasının fövqəladə və səlahiyyətli səfiri Kim Tonq Op bugünkü tədbirin koronavirus pandemiyası kimi qlobal böhranla mübarizədə Koreya və Azərbaycan əlaqələrinin yeni bir mərhələyə qədəm qoyaraq, gücləndiyi çox mənalı bir tədbir olduğunu diqqətə çatdırıb. Səfir Tong Op təqdim edilən maskaların Azərbaycanda koronavirus pandemiyasının yayılmasının qarşısının alınmasında köməklik, ölkələrimiz arasında dostluğun simvolu və Koreya xalqının Azərbaycan xalqına qarşı bəslədiyi sevginin nişanəsi kimi tarixə yazılacağını arzuladığını ifadə edib. Sonda Səfir Azərbaycan dövlət başçısının təşəbbüsü ilə BMT-nin Baş Assambleyasının COVID-19 pandemiyasına qarşı mübarizəyə həsr edilmiş xüsusi sessiyasının keçirilməsinə nail olması münasibətilə Azərbaycanı təbrik edib. O, Azərbaycanda koronavirus infeksiyasının yayılmağa başladığı gündən bu günədək onunla mübarizə aparan bütün əlaqədar dövlət təşkilatlarının fədakarlıq, səy və bacarıqlarına, eləcə də Azərbaycan xalqının böhranla mübarizə qabiliyyətinə öz dərin hörmətini bildirib və Azərbaycanın bu mübarizədə qalib gələcəyinə inamını ifadə edib.

İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova dünyada qlobal böhrana çevrilən bu problemə qarşı beynəlxalq birliyin həmrəyliyə və əməkdaşlığa ehtiyac duyduğunu bildirib, bu mübarizədə səylərin birləşdirilməsinin və birgə addımların atılmasının, təcrübə mübadiləsinin aparılması fonunda həmrəylik sərgilənməsinin bəşəri bəlanın neytrallaşdırılmasında önəmli olduğunu bildirib. N.Bayramova hazırda bütün dünyanın öz səylərini koronavirusla mübarizəyə və profilaktika tədbirlərinə yönəltdiyi bir vaxtda Azərbaycan və Koreya hökumətlərinin sıx əməkdaşlıq əlaqələrinə sadiq qalaraq həmrəylik nümayiş etdirdiklərini məmnunluqla qeyd edib.

Tədbirin sonunda İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova və Koreya Respublikasının səfiri Kim Tonq Op tərəfindən "Koreya Respublikası Hökumətinin Azərbaycan Respublikası Hökumətinə epidemiya əleyhinə yardım məqsədilə gətirilmiş əksepidemik vasitələrin Təhvil-Təslim Aktı" imzalanıb.

Xəbər lenti
0