BAKI, 16 iyul — Sputnik. "Twitter" sosial şəbəkəsində istifadəçilərin hesabları haker hücumu nəticəsində sındırılıb. Sputnik Azərbaycan xəbər verir ki, bu barədə sosial şəbəkənin texniki dəstək xidməti bəyanatında deyib.
Hakerlər məşhurların hesablarında kiçik dəyişikliklərlə eyni tipli reklamlar yerləşdiriblər. Onlar buna "Tesla"nın qurucusu İlon Maskın hesabı ilə başlayıblar. Zərərçəkənlər arasında ABŞ prezidentliyinə namizəd Co Bayden, sabiq prezident Barak Obama, milyarder Bill Qeyts və başqaları var.
Bu tvitlərin müəllifləri onlara göndərilən bitkoinləri 30 dəqiqə ərzində iki qat məbləğdə qaytarmağa söz veriblər.
Tough day for us at Twitter. We all feel terrible this happened.
— jack (@jack) July 16, 2020
We’re diagnosing and will share everything we can when we have a more complete understanding of exactly what happened.
💙 to our teammates working hard to make this right.
Bundan sonra "Twitter" zərərçəkənlərin hesablarını bağlayıb və tvitləri silib.
Sosial şəbəkənin texniki dəstək xidməti təhlükəsizlik problemi ilə əlaqədar aparılmış yoxlamadan sonra hesabların böyük bir hissəsinin yenidən işlədiyini, lakin fasilələr ola biləcəyini açıqlayıb.
"Twitter"in təsisçisi və rəhbəri Cek Dorsi şirkətin baş verənləri tam başa düşməsindən sonra hadisə barədə məlumat verəcəyini bildirib.
