BAKI, 14 iyul — Sputnik. Cəbhə xəttində vəziyyət yenidən gərginləşib. Bu barədə Sputnik Azərbaycan-a Müdafiə Naziliyinin Mətbuat Xidmətinin rəisi polkovnik Vaqif Dərgahlı bildirib.
"Bu gün saat 19.30-dan etibarən Ermənistan silahlı qüvvələrinin bölmələri Tovuz rayonunun yaşayış məntəqələrini və bölmələrimizin mövqelərini iriçaplı silahlardan və artilleriya qurğularından istifadə etməklə yenidən intensiv atəşə tutmağa başlayıb" - polkovnik deyib.
Atəşə tutulan yaşayış məntəqələri arasında rayonun Aşağı Quşçu və Dondar Quşçu kəndləri də var.
