BAKI, 12 iyul — Sputnik. OPEC+ ölkələri və müttəfiqlər neft razılaşmasında dəyişikliklər etmək üçün videoformatda müzakirələr aparmaq istəyirlər.
Sputnik Azərbaycan bildirir ki, bu barədə Wall Street Journal alyansdakı mənbələrinə istinadən yazıb.
Məlumata görə, təşkilatın bir çox iştirakçıları, o cümlədən Səudiyyə Ərəbistanı və Rusiya, avqustda neft hasilatını artırmaq fikrindədirlər. Tərəflər bazarın tədricən dirçəlməsini nəzərə alaraq belə addım atırlar.
Mənbələrdən biri deyib ki, Səudiyyə Ərəbistanı OPEC+-un digər iştrakçılarına avqustda hasilatı 9.7 mln deyil, 7,7 mln barelədək azaltmağı təklif etmək fikrindədir. Çünki, onun fikrincə, neftin qiymətinin saxlanması naminə bundan sonra da hasilatın azaldılması OPEC üçün “sui-qəsd” olar.
Neft bazarında təlatüm martın 6-da başlayıb. Həmin vaxt OPEC+ ölkələri yekdil rəyə gələ bilməmişdilər. Razılaşma iflasa uğrayandan sonra neft qiymətləri 30% düşdü. May ayında OPEC+ yenidən toplandı və üzv ölkələr may-iyun aylarında hasilatı sutkada 9.7 mln, ikinci yarımildə 7,7 mln və 2022-ci il aprelin sonunadək 5,8 mln barelədək azaltmaq barədə razılığa gəldilər. Bundan sonra neft qiymətləri artmağa başladı.
