Nigar İsgəndərova, Sputnik Azərbaycan
BAKI, 8 iyul — Sputnik. "Pandemiya dövründə, martdan etibarən gürzə ilanı sancması ilə bağlı zəhərlənmələrin sayı 42 olub ki, bunlardan da 8-i uşaq olub". Bu barədə Sputnik Azərbaycan-a açıqlamasında baş toksikoloq Azər Maqsudov deyib.
O bildirib ki, bu dövrdə tüstüdən zəhərlənmə ilə 7 məsləhətalma xarakterli müraciət daxil olub. Bundan başqa dərman zəhərlənməsi ilə bağlı da müraciətlər olub: "14 dərman zəhərlənməsi faktı qeydə alınıb ki, onlardan da 4-ü uşaq olub. Sirkə zəhərlənməsi ilə bağlı olaraq isə 5 müraciət daxil olub. Metil spirtindən isə bir ölüm faktı qeydə alınıb".
