BAKI, 6 iyul — Sputnik. Sərtləşdirilmiş xüsusi karantin rejimini pozaraq oteldə istirahət edən zaman "Instagram" hesabından jurnalistləri təhqir edən 1992-ci il təvəllüdlü İsmayıl Babayev həbs olunub.
Sputnik Azərbaycan xəbər verir ki, bu barədə Səbail Rayon Məhkəməsi qərar çıxarıb. Qərara əsasən, ona 20 sutka inzibati həbs cəzası verilib.
Bakı Şəhər Baş Polis İdarəsinin Mətbuat Xidməti faktı təsdiqləyib.
İsmayıl Babayev
© AR Ministry of Internal Affairs
Xatırladaq ki, ötən gün Bakıda otellərin birinə polis reydi keçirilib və karantin rejimini pozaraq, istirahət edənlər inzibati qaydada məsiliyyətə cəlb ediliblər.
