BAKI, 6 iyul — Sputnik. Azərbaycanda iki polis əməkdaşı koronavirusdan ölüb.
Sputnik Azərbaycan "Report" agentliyinə istinadən xəbər verir ki, Bakı şəhərində xəstəxanada müalicə olunan həmin şəxslərdən biri iyulun 1-də, digəri isə iyulun 4-də dünyasını dəyişib.
Həmin şəxslər polis polkovnik-leytenantı və polis mayoru rütbəsində olublar.
Məlumata görə, polis polkovnik-leytenantının ölümündən bir gün əvvəl anası da vəfat edib.
Daxili İşlər Nazirliyinin Mətbuat Xidməti "Report"a faktı təsdiqləyib.
