BAKI, 3 iyul — Sputnik. Azərbaycan Televiziya və Radio Verilişləri QSC-nin (AzTV) Kinoproqramlar və dublyaj baş redaksiyasının baş redaktoru Etibar Babayev koronavirusdan ölüb.
Sputnik Azərbaycan bildirir ki, bu barədə Hacı Nuran Hüseynov sosial şəbəkədəki hesabında məlumat paylaşıb. Paylaşımda deyilir: "Təəssüf ki, hava-damcı yolu ilə yayılan bu virus tanınmış jurnalist Etibar Babayevə də yoluxdu… Bu dəqiqə aldığım məlumat çox acınacaqlıdır - Etibar Babayev dünyasını dəyişib... Deməyə sözüm qalmayib, Allah rəhmət eləsin”.
Qeyd edək ki, iyulun 1-də AzTV-nin İctimai-siyasi və analitik verilişlər departamentinin rejissoru Nemətzadə Samir 1 saylı Klinik Tibbi Mərkəzdə koronavirusdan dünyasını dəyişib. Qurumun daha bir neçə işçisi də koronavirusa yoluxub.
