Eldar Tanrıverdiyev, Sputnik Azərbaycan
BAKI, 29 iyun — Sputnik. Koronavirus biz onu dayandırmağı bacarana qədər həyatımızda olmağa davam edəcək. Bunu anlamamız şərtdir.
Sputnik Azərbaycan xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmançı öz "Facebook" səhifəsində yazıb.
O, qeyd edib ki, qarşımızda çox uzun bir yol var: "Xoşumuza gəlməyən, öyrəşmədiyimiz, bizim üçün çətin olacaq işləri görmək məcburiyyətində qalacağımız aylar var. Bunun başqa bir qısa yolu yoxdur. Hər kəs sosial məsafəni qoruyub saxlamalı, əllərini yumalı, maska taxmalıdır. Tibb işçiləri: test edin, özünüzü təcrid edin, təmaslarınıza diqqət edin. Yalnız bu şəkildə özümüzü və yaxınlarımızı qoruya bilərik".
