BAKI, 25 iyun — Sputnik. "Bakı Metropoliteni" Qapalı Səhmdar Cəmiyyətindədə çalışan 22 nəfər "COVID-19" infeksiyasına yoluxduğu üçün müvafiq tibbi mərkəzlərdə müalicə alırlar. Bu barədə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov Sputnik Azərbaycan-a açıqlamasında verib.
B.Məmmədov bildirib ki, metropolitendə iş başında yoluxma, bir işçinin digərlərini yoluxdurması faktı qeydə alınmayıb: ""COVID-19" simptomlu şəxslər analizlər verir və nəticə elan edilənə qədər özünütəcrid qaydalarına əməl etməklə ev şəraitində olurlar".
Qeyd edək ki, hazırda bu şəxslərdən biri dünyasını dəyişib, 6 metropoliten əməkdaşı isə müalicə alaraq sağalıb.
