BAKI, 22 iyun - Sputnik. İyunun 21-də saat 22.00 radələrində 1968-ci il təvəllüdlü Teyyub Ramazanovun üzərində bıçaq xəsarətləri olan meyiti Suraxanı rayonu ərazisində yaşadığı evdə aşkar edilib.
Sputnik Azərbaycan Suraxanı Rayon Prokurorluğunun məlumatına istinadla xəbər verir ki, daxil olan məlumat əsasında dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, müvafiq ekspertizalar təyin edilib.
İstintaqla hadisənin zərərçəkmişin qardaşı 1976-cı il təvəllüdlü Teymur Ramazanov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.
T.Ramazanov şübhəli şəxs qismində tutularaq istintaqa cəlb olunub
Hazırda iş üzrə zəruri istintaq tədbirləri davam etdirilir.
