Koronavirus pandemiyasının ikinci dalğası səbəbi ilə futbol üzrə Avropa çempionatının yenidən təxirə salınmasını müzakirə etmək hələ tezdir. Bunu UEFA Prezidenti Aleksander Çeferin deyib.
Koronavirus pandemiyasına görə 2021-ci ilə təxirə salınan AVRO-2020 matçları iyunun 11-dən iyulun 11-dək 12 şəhərdə – London, Münhen, Bakı, Roma, Buxarest, Dublin, Kopenhagen, Amsterdam, Budapeşt, Qlazqo, Bilbao və Sankt-Peterburqda keçiriləcək.
"İkinci koronavirus dalğası səbəbi ilə AVRO yenidən təxirə salına bilərmi? Çempionat 2021-ci ildə eyni tarixlərdə keçiriləcək. İkinci dalğaya görə təxirə salmanı müzakirə etmək hələ tezdir", - Çeferin mətbuat konfransında deyib.
