BAKI, 14 iyun — Sputnik. Ceyranbatan su anbarının yaxınlığında yanğın söndürülüb.
Sputnik Azərbaycan Fövqəladə Hallar Nazirliyinin saytına istinadən bildirir ki, Abşeron rayonu ərazisində Ceyranbatan su anbarının yaxınlığında quru ot və kol-kos sahəsində baş vermiş yanğın FHN-nin qüvvələri tərəfindən saat 17:13-də söndürülüb.
Qeyd edək ki, yanğın bu gün günorta saatlarında başlamışdı və artıq bir həftə ərzində üçüncü belə hadisədir. Daha öncə, iyunun 11 və 12-də də su anbarının ətrafında quru ot yanmış, söndürülməsi üçün iki helikopter cəlb edilmişdi.