BAKI, 11 iyun — Sputnik. "Koronavirus pandemiyası dövründə bütün dünya ölkələrində ən çox aviaşirkətlər ziyan görüb. “Azərbaycan Hava Yolları” da bu şirkətlər arasındadır. Lakin biz bu gün bütün çətinliklərə baxmayaraq, heç bir işçini ixtisar etməmişik. Dövlət bu istiqamətdə bizə dəstək göstərib".
Sputnik Azərbaycan-ın məlumatına görə, bu sözləri bu gün Nazirlər Kabineti yanında Operativ Qərargahın keçirdiyi mətbuat konfransında “Azərbaycan Hava Yolları” QSC-nin vitse-prezidenti Eldar Hacıyev bildirib. O deyib ki, 2019-cu ildə Heydər Əliyev Hava Limanı 4 milyon 740 min sərnişinə xidmət göstəribsə, 2020-ci ildə cəmi 760 min sərnişinə xidmət göstərib.
