BAKI, 11 iyun — Sputnik. Azərbaycan Ordusunun 2016-cı və 2018-ci illərdə həyata keçirdiyi uğurlu döyüş əməliyyatları nəticəsində Ermənistanla Dağlıq Qarabağ ərazisini birləşdirən yollar tərəfimizdən nəzarətə götürülüb.
Sputnik Azərbaycan-ın məlumatına görə, bu sözlər Azərbaycan Müdafiə Nazirliyinin bu gün yaydığı bəyanatında yer alıb.
"Strateji cəhətdən əlverişli vəziyyətimiz düşməni xeyli vəsait xərcləyərək yeni yollar çəkməyə məcbur edir. Azərbaycan Ordusunun silahlanmada olan atəş vasitələri düşmənin bütün əməliyyat dərinliyindəki hərbi infrastrukturunu məhv etmək imkanına malikdir", - deyə bəyanatda qeyd olunur.
