BAKI, 7 iyun - Sputnik. Səhər saatlarında respublikanın əksər rayonlarında şimşək çaxıb, yağış yağıb, bəzi yerlərdə intensiv olub.
Milli Hidrometeorologiya Xidmətindən Sputnik Azərbaycan-a verilən məlumata görə, yağıntının miqdarı Oğuzda 14 mm, Şamaxı, Kürdəmirdə 13 mm, Hacıqabulda 10 mm, Sabirabad, Kişçayda (Şəki) 9 mm, Cəfərxanda 5 mm, Ağdərə (Ordubad), Lənkəranda 3 mm, Sarıbaş (Qax), Mərəzədə 2 mm, Qəbələ, Göyçay, Xınalıq, Zaqatala, Şahbuz, Salyan, Şahdağda 1 mm olub.
Temperatur Bakıda iqlim normasından 1,5 dərəcə yuxarı olub, havanın maksimal temperaturu Bakıda və Abşeron yarımadasında 25-29, aran rayonlarında 29-32, dağlıq rayonlarda 19-23, Naxçıvan MR-da 25-31 dərəcə isti olub.
