BAKI, 25 may — Sputnik. Sputnik Azərbaycan Beynəlxalq Xəbər Agentliyinin yaranmasının 5 illiyi münasibətilə rəsmi dövlət qurumları da sosial şəbəkələrdəki səhifələrində Sputnik-i təbrik edib. Binəqədi Rayon İcra Hakimiyyəti Facebook sosial şəbəkəsindəki hesabında Sputniki belə təbrik edib:
"Bu gün “Sputnik Azərbaycan” İnformasiya Agentliyinin yaranmasından beş il ötür. “Sputnik Azərbaycan” 2015-ci ilin may ayının 25-dən fəaliyyət göstərir. Agentliyə Azərbaycan və rus dillərində informasiya portalı, radioresurs və müasir multimedia mərkəzi daxildir. “Sputnik Azərbaycan” onlarla ölkədə informasiya və multimedia bölmələri fəaliyyət göstərən beynəlxalq xəbər agentliyi və radionun tərkibinə daxildir. “Sputnik” 30 dildə saytları, analoq və rəqəmsal radioyayımı, mobil tətbiqləri və sosial şəbəkələrdə səhifələri özündə birləşdirir. “Sputnik Azərbaycan” kollektivini səmimi qəlbdən təbrik edir, onlara gələcək fəaliyyətlərində uğurlar arzulayırıq".
