BAKI, 23 may — Sputnik. ABŞ prezidenti Donald Tramp maska taxdığı şəkildə görüntülənib. Sputnik Azərbaycan-ın "The Guardian"a isitnadən xəbərinə görə, O Miçiqan ştatının İpsilanti şəhərində COVID-19 infeksiyası əleyhinə mübarizədə istifadə olunacaq respirator, tibbi avadanlıqların istehsalı üçün hazırlanan “Ford” zavodunu ziyarət edərkən maska taxıb.
Sky News tərəfindən çəkilən videoda isə Trampın tünd göy rəngdə maska taxdığı görülür. Miçiqan ştatının və “Ford” kompaniyasının daxili qaydalarına müvafiq olaraq ABŞ prezidenti maska taxmaq məcburiyyətində qalıb.
Daha öncəki səfərində Tramp "Ford"un avtomobil zavodunda maska taxmaqdan imtina etdiyi üçün qınaq obyekti olmuşdu.
Şəhərin baş prokuroru Dana Nesel isə bildirib ki, Miçiqan ştatında hər kəsin bir nəfər kimi maska taxması məcburidir.
