BAKI, 21 may — Sputnik. Ölkə əhalisinin sayı ilin əvvəlindən 12848 nəfər artıb. Faiz etibarı ilə, ilin əvvəlindən ölkə əhalisinin sayı 0,1 faiz artaraq 2020-ci il aprel ayının 1-i vəziyyətinə 10079956 nəfərə çatıb.
Sputnik Azərbaycan-ın xəbərinə görə, bu barədə Dövlət Statistika Komitəsi məlumat verib. Bildirilib ki, əhalinin ümumi sayının 52,8 faizi şəhər, 47,2 faizi kənd sakinləridir. Bildirilib ki, onlardan 49,9 faizini kişilər, 50,1 faizini isə qadınlar təşkil edib.
Qeyd edək ki, bu ilin yanvar-mart aylarında doğulanların sayında oğlanlar üstünlük təşkil edib. Belə ki, qeyd olunan dövrdə doğulanların 52,9 faizini oğlan, 47,1 faizi qızlar təşkil edib.
