BAKI, 18 may — Sputnik. Tədqiqatlara əsasən, ayrı-ayrılıqda maskanın istifadəsi və ya sosial məsafənin gözlənilməsi virusdan qorunmaq üçün yetərsizdir, bu halda yoluxma baş verə bilər.
Sputnik Azərbaycan-ın məlumatına görə, bu barədə TƏBİB-in yaydığı tövsiyədə bildirilir. Qeyd olunub ki, yoluxmanın qarşısını almaq, kontrollu sosial həyat üçün həm maska taxılmalı, həm də sosial məsafə qorunmalıdır.
Qeyd edək ki, Azərbaycanda bu günə kimi koronavirusa 3387 yoluxma halı qeydə alınıb. Yoluxanlardan 40 nəfəri dünyasını dəyişib, 2055 nəfəri sağalaraq evə buraxılıb.
Pandemiya ilə bağlı ölkədə martın ortalarından etibarən karantin rejimi elan olunub.
