BAKI, 16 may — Sputnik. Goranboy Rayon Mərkəzi Xəstəxanasına yeni təyinat olub. Sputnik Azərbaycan-a bu barədə məlumatı Tibbi Ərazi Bölmələrini İdarəetmə Birliyinin (TƏBİB) mətbuat katibi Rəvanə Əliyeva verib.
O bildirib ki, bununla bağlı Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı əmr imzalayıb. Əmrə əsasən, Zeynalov İftixar Əli oğlu Goranboy Rayon Mərkəzi Xəstəxanası - Publik Hüquqi Şəxsin direktoru vəzifəsinə təyin edilib. Xatırladaq ki, İ.Zeynalov 2007-2015-ci ildə Bərdə Rayon Mərkəzi Xəstəxanasının baş həkimi vəzifəsində çalışıb.
