İlham Əhmədov, Sputnik Azərbaycan
BAKI, 14 may - Sputnik Azərbaycan. Bu gün axşam saat 16.30 radələrindən etibarən İsmayıllı rayonu ərazisinə yağan güclü leysan nəticəsində sel suları bir cox fəsadlar əmələ gətirib. Bir neçə saat davam edən leysan yağışdan sonra dağlardan gələn sel Şamaxı-Muğanlı-İsmayıllı yolunun Diyallı və Talıstan kəndləri ərazisindən keçən hissəsində nəqliyyatın hərəkətində çətinlik yaradıb.
Magistral yoldakı su ötürücüləri lil və çöküntülərlə dolduğu üçün yolu sel basıb. Sel sularının dağlardan gətirdiyi iri daşlar, ağac kötükləri və lil qatı yolun bağlanmasına səbəb olub. Nəticədə Bakı-Şamaxı-İsmayıllı-Qəbələ-Şəki istiqamətində və geriyə hərəkət edən yüzlərlə avtomobil yolda qalıb. Sel suları avtomobillərin içərisinə dolub.
![Ismayıllda selin nəticəsi Ismayıllda selin nəticəsi - Sputnik Azərbaycan](https://cdnn1.img.sputnik.az/img/42393/72/423937232_0:124:1024:768_600x0_80_0_0_db9e91eab9a2875dba0d9d675a420808.jpg)
![Ismayıllda selin nəticəsi Ismayıllda selin nəticəsi - Sputnik Azərbaycan](https://cdnn1.img.sputnik.az/img/42393/72/423937227_0:124:1024:768_600x0_80_0_0_bd3727b16cd4eabe5195e777b869d81b.jpg)
![Ismayıllda selin nəticəsi Ismayıllda selin nəticəsi - Sputnik Azərbaycan](https://cdnn1.img.sputnik.az/img/42393/72/423937222_0:124:1024:768_600x0_80_0_0_b03dab3585510b80a153dc0c5ad55eb3.jpg)
![Muğanlı-İsmayıllı yolunu sel basıb Muğanlı-İsmayıllı yolunu sel basıb - Sputnik Azərbaycan](https://cdnn1.img.sputnik.az/img/42393/75/423937559_0:13:1024:657_600x0_80_0_0_86e4cd864dcfac5d94c689cb9ef05096.jpg)
![Muğanlı-İsmayıllı yolunu sel basıb Muğanlı-İsmayıllı yolunu sel basıb - Sputnik Azərbaycan](https://cdnn1.img.sputnik.az/img/42393/75/423937594_0:72:1025:716_600x0_80_0_0_610766e076770dabc5217bda975d8c08.jpg)
Hazırda İsmayıllı rayon yol-istismar idarəsinin texnikaları əraziyə cəlb olunub. Artıq yollar təmizlənib və avtomobillərin gediş-gəlişində heç bir maneə yoxdur. Sel nəticəsində yolun asfalt örtüyünə və su ötürücülərə ziyan dəyib.