Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Ahılların qəniminə çevrilmiş cibgir tutulub

© Sputnik / Murad OrujovКража денег, иллюстративное фото
Кража денег, иллюстративное фото - Sputnik Azərbaycan
Xəbərlərə abunə olun
НовостиTelegram
Onun əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə və bölmələrinə məlumat verə bilərlər.

BAKI, 8 may — Sputnik. Nizami rayonuda yerləşən "8-ci kilometr" bazarında cibgirlik edən şəxs saxlanılıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, Bakı Şəhər Baş Polis İdarəsi Cinayət Axtarış İdarəsinin əməkdaşları tərəfindən həyata keçirilən növbəti əməliyyat-axtarış tədbiri nəticəsində paytaxtın Nizami rayonu Naxçıvanski küçəsi 47 ünvanında yerləşən bazarda cibgirliklə məşğul olan şəxs saxlanılıb. Əməliyyat zamanı əvvəllər Cinayət Məcəlləsinin müxtəlif maddələri ilə dəfələrlə məhkum edilmiş Sabunçu rayonu, Bakıxanov qəsəbəsində qeydiyyatda olan Said Göyçayev tutulub. Araşdırma zamanı onun "8-ci kilometr" bazarında cari ilin aprel və may aylarında əsasən yaşlı qadınların cibindən pul kisələri oğurladığı məlum olub. Hələlik zərərçəkən şəxslərdən ikisinin müvafiq olaraq 150 və 435 manat pulunun Said Göyçayev tərəfindən oğurlandığı sübuta yetirilib.

Qeyd edilən faktlarla bağlı saxlanılan şəxsin ətrafında istintaq-əməliyyat tədbirləri davam etdirilir. Said Göyçayev paytaxt ərazisində digər analoji cinayətlər etdiyi də istisna olunmur. Onun əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə və bölmələrinə məlumat verə bilərlər.

Xəbər lenti
0