BAKI, 2 may — Sputnik. ABŞ-da son sutka ərzində 34 037 yeni koronavirusa yoluxma halı qeydə alınıb və bununla da ümumi halların sayı 1 107 815 olub.
Sputnik Azərbaycan xəbər verir ki, bunu Cons Hopkins Universitetinin məlumatları sübut edir. Ən çox ölüm hadisəsi Nyu-York ştatında qeydə alınıb - 18 399.
Ümumilikdə ölkədə COVID-19-dan 65 244 nəfər ölüb. 164 015 xəstə sağalıb.
ABŞ-da koronavirusla bağlı topla 6 551 810 test aparılıb.
Qeyd edək ki, hazırda ABŞ koronavirusa yoluxanların və virusdan ölənlərin sayına görə dünyada birinci yerdədir.
