BAKI, 1 may — Sputnik. Aprelin 27-dən sonra sağalanların sayı çoxalsa da, yoluxanlar da var.
Sputnik Azərbaycan-ın məlumatına görə, bunu Nazirlər Kabineti (NK) yanında Operativ Qərargahın mətbuat konfrasında NK-nın mətbuat katibi İbrahim Məmmədov bildirib. O deyib ki, bir-birinə zidd dinamika davam etdiyindən, Operativ Qərargah karantin rejimini 4 maydan 31 mayadək yumşaldılmış şəkildə davam etdirilməsinə qərar verilib.
Onun sözlərinə görə, Bakı, Sumqayıt, Lənkəran, Gəncə və Abşeron rayonlarında yoluxma çox olduğundan aprelin 27-dən sonra sağalanların sayı çoxalsa da, yoluxanlar da var. İ.Məmmədov qeyd edib ki, adıçəkilən ərazilərdə yoluxma çox olduğundan karantin rejimindən çıxma aşağı templə həyata keçiriləcək.
