BAKI, 25 aprel — Sputnik. Ermənistanın paytaxtı Yerevanda baş verən atışma nəticəsində iki nəfər yaralanıb. Sputnik Ermənistan xəbər verir ki, hadisə Yerevanın Axtanak rayonunda baş verib.
Məlumata əsasən atışma nəticəsində polis bölməsinə təxminən saat 01:20 radələrində atışma barədə zəng daxil olub. Hadisə yerinə gələn polis əməkdaşları və müstəntiqlər müəyyən ediblər ki, yaralılar ata və oğul – Arutyun P və David P-dir.
Onların xəsarətləri ağır olduğundan hadisənin necə baş verməsini danışa bilməyiblər. Faktla bağlı araşdırmalar davam edir.
