BAKI, 23 aprel — Sputnik. Azərbaycan neftinin qiyməti bahalaşıb.
Sputnik Azərbaycan xəbər verir ki, "Azeri Light" markalı neftin bir barelinin qiyməti 0,80 dollar artaraq 16,61 dollar olub.
"Brent" markalı neftin qiyməti 2,14 dollar artaraq 22,51 dollar, "Light" markalı neftin qiyməti isə 1,58 dollar bahalaşaraq 15,36 dollar təşkil edib.
Qeyd edək ki, Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.
Onu da bildirək ki, aprelin 20-də ABŞ-ın "Light" markalı neftinin qiyməti tarixdə ilk dəfə olaraq mənfi qiymətə enib.
