“Avropa ölkələrinin İrana qarşı tutduğu mövqe ABŞ-ın yanaşmasından müəyyən qədər fərqlidir”. Bunu Sputnik Azərbaycan-a politoloq Fikrət Sadıxov deyib.
Politoloq bildirib ki, İranın nüvə proqramı və koronavirusla bağlı yardım məsələlərində bu fərqlər özünü büruzə verir: “Amma bu, o demək deyil ki, Avropa ölkələri İrana qarşı sanksiyaları ləğv edəcək. İrana yardımlar davam edəcək və Vaşinqton çalışacaq ki, Brüsselə təsir göstərsin. İran və Avropa arasında yaşananlar münasibətlərin müsbət məcraya daxil olması demək deyil. Amma reallıq ondan ibarətdir ki, proseslər ABŞ və Brüssel arasında narazılıqlara səbəb ola bilər”.
Qeyd edək ki, İran Xarici İşlər Nazirliyinin rəsmi nümayəndəsi Abbas Musəvi Avropa Birliyi ölkələrini Birgə Hərtərəfli Fəaliyyət Planı çərçivəsində bütün öhdəlikləri yerinə yetirməyə çağırıb.
Fikrət Sadıxovun geniş şərhinə audiofaylda qulaq asa bilərsiniz
