BAKI, 21 aprel — Sputnik. Dünyada yeni tip koronavirusa (COVID-19) yoluxanların sayı 2 milyon 500 min nəfəri keçib.
Sputnik Azərbaycan-ın Con Hopkins İnstitutuna istinadən verdiyi məlumata görə, dünyada virusa 2503067 nəfər yoluxub.
Pandemiyadan ölənlərin sayı isə 171790 nəfərdir. Dünya üzrə 659106 nəfər xəstəliyə qalib gəlib.
ABŞ-da isə son sutkada yeni tip koronavirusdan 1684 nəfər ölüb. Bununla da virusdan ölənlərin sayı 42374 nəfərə çatıb.
Qeyd edək ki, koronavirusa yoluxma sayına görə ABŞ ilk sıradadır.
