BAKI, 13 aprel — Sputnik. Bəşəriyyət bu ilin yay ayında koronavirus pandemiyasına tamamilə qalib gələ bilməyəcək. Sputnik Azərbaycan "RİA Novosti"-yə istinadən xəbər verir ki, bunu "Xuaşan" Şanxay xəstəxanasının infeksiya şöbəsinin rəhbəri, COVİD-19-un müalicəsi üzrə Şanxay Ekspert qrupunun rəhbəri Cjan Venxun bildirib.
"Yoluxma halları Cənubi Amerika, Afrika, Cənub-şərqi Asiyada qeydə alınmağa başlayıb. Mövcud riyazi modelə əsasən qış fəsli gəldikdə hamı yenə evdə olacaq", - deyə infeksionist bildirib.
Bununla yanaşı ,Çjan Venxun vurğulayıb, xüsusi ilə diaqnostika olmaqla, hazırkı epidemiya zamanı əldə oluna təcrübəyə əsasən növbəti dalğa o qədər də ciddi olmayacaq: "Lakin tibbi resursları az olan ölkələr, xüsusi ilə Afrika və Cənubi Amerika ölkələri növbəti qışı çətin keçirəcək".
O, həmçinin vurğulayıb ki, dünyada epidemioloji vəziyyət Çin, ABŞ və ya Avropadan yox, hazırda vəziyyəti daha az kontrol edən ölkələrdən asılı olacaq.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 1,8 milyonu keçib, 114 mindən çox adam isə virus səbəbilə ölüb.
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.
