BAKI, 13 aprel — Sputnik. Azərbycanı "Avroviziya" musiqi yarışmasında təmsil edən, müğənni Samir Cavadzadə dostlarından şikayətlənib. Sputnik Azərbaycan xəbər verir ki, sənətçi bu barədə fikirlərini sosial media hesabında yazıb:
“Dost nə deməkdir?! Bir çoxu bunu həqiqətən anlamır! Cüzi qədər də pislik etməmişəm, amma nədənsə qarşı tərəfdən mənasız, yersiz hərəkətlər çox gördüm... Mən isə sakitcə aralanmışam. Bir şeyi dəfələrlə görüb anlayıram ki, heç vaxt pis durumunu adamlara göstərmək olmaz! Mütləq bundan istifadə edib, səni aciz bilib, artıq bəyənməyəcəklər və daha da əzməyə çalışacaqlar! Hər kəsə sadiq və əsl dost arzusu ilə”.
İfaçı daha sonra ona şərh yazanlara cavab verərkən “Məni əzmək istəyənlərin özləri yox olurlar” deyə, bildirib.
