Портфель чиновника, фото из архива - Sputnik Azərbaycan
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Polad Bülbüloğlu Rusiyadakı vətəndaşlarımıza çağırış etdi - VİDEO

© Sputnik / Murad OrujovPolad Bülbüloğlu, Azərbaycan Respublikasının Rusiya Federasiyasındakı səfiri
Polad Bülbüloğlu, Azərbaycan Respublikasının Rusiya Federasiyasındakı səfiri - Sputnik Azərbaycan
Xəbərlərə abunə olun
Yandex newsTelegram
Səfir: "Sizdən artıq dərəcədə xahiş olunur ki, Rusiya-Azərbaycan sərhədinə getməyəsiniz. Orada gözləmək üçün müvafiq şərait yoxdur. Sərhəd nə bir xahiş, nə də təzyiqlə açılmayacaq"

BAKI, 12 aprel – Sputnik. Azərbaycan Respublikasının Rusiya Federasiyasındakı Fövqəladə və Səlahiyyətli Səfiri Polad Bülbülöğlu Rusiyada yaşayan azərbaycanlı vətəndaşlara müraciət edib.

Церемония открытия моста на реке Самур между Азербайджаном и Россией - Sputnik Azərbaycan
İQTİSADİYYAT
Azərbaycan-Rusiya sərhədi bağlandı – sonra nə olacaq?

Sputnik Azərbaycan xəbər verir ki, bu barədə ölkəmizin Rusiyadakı səfirliyinin Mətbuat xidmətindən məlumat verilib. 

Səfir bildirib ki, koronavirusla bağlı vəziyyət gərgin olaraq qalır.

“Bütün dünyada koronavirus infeksiyasının yayılması ilə əlaqədar yaranmış vəziyyətlə bağlı, dövlətlərin əksəriyyəti öz sərhədlərini bağlayıblar. Azərbaycan hökuməti də məcburiyyət qarşısında 20 aprel tarixinə qədər ölkəyə giriş-çıxışı dayandırıb.

Bununla əlaqədar olaraq, sizdən artıq dərəcədə xahiş olunur ki, Rusiya-Azərbaycan sərhədinə getməyəsiniz. Orada gözləmək üçün müvafiq şərait yoxdur. Sərhəd nə bir xahiş, nə də təzyiqlə açılmayacaq.

20 aprel tarixindən sonra mövcud vəziyyətdən asılı olaraq sərhədlərin açılıb-açılmayacağına dair qərar veriləcəkdir.

Sizlərdən artıq dərəcədə xahiş olunur ki, sərhəd keçid məntəqəsinə getməyin.

Xahiş edirik ki, Səfirliyimizlə qaynar xətlər vasitəsilə əlaqə saxlayın. Səfirlik müvafiq siyahını hazırlayır və ilk fürsətdə sizinlə əlaqə saxlayıb nə zaman və hansı yolla Azərbaycana geri qayıtmağın mümkün olduğu barədə məlumat verəcək”.

Xəbər lenti
0