BAKI, 11 aprel — Sputnik. Bu günə olan məlumata görə, dünyada koronavirusa yoluxanların sayı 1 694 078-ə çatıb. Bu barədə Sputnik Azərbaycan South China Morning Post-a istinadən xəbər verir.
Məlumata əsasən, virusa yoluxmuş 102 570 nəfər vəfat edib, 376 833 minə yaxın şəxs isə sağalıb.
Nəşr vurğulayır ki, son 24 saat ərzində bu virusa yoluxanların sayı 94 247 nəfər artıb. Ölənlərin sayında isə bir sutka ərzində 15 491 nəfər artım qeydə alınıb.
Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 500 min nəfəri keçib. Avropada virusdan ölənlərin və ona yoluxanların sayına görə İspaniya ilk yerdədir. Belə ki, bu ölkədə 158 273 yoluxma qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb.
Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.
