Müasir Qəbələnin mərkəzindən 30 kilometr cənub-şərqdə, Çuxur Qəbələ kəndinin yaxınlığında qədim Qəbələ Qalası yerləşir.
Günümüzə kimi yalnız divar və bir neçə bürcün dağıntıları qalıb. Amma bu qala bir daha Qəbələnin Qafqaz Albaniyasının qədim paytaxtı kimi qüdrətindən xəbər verir.
1985-ci ildən bu ərazidə Dövlət Tarix-Mədəniyyət Qoruğu fəaliyyət göstərir. Bir neçə onilliklər ərzində aparılmış arxeoloji qazıntılar zamanı burada Qəbələnin təsərrüfat həyatı, sənətkarlığı və ticarət münasibətlərinin inkişafını əks etdirən qiymətli artefaktlar aşkar edilib.
