Ümumdünya Səhiyyə Təşkilatının (ÜST) məlumatına görə, dünyada yeni koronavirusa yoluxmuş insanların sayı 1,3 milyon nəfəri ötüb. Avropada pandemiyadan ən çox zərər çəkmiş ölkələr İtaliya və İspaniyadır. Son günlər virusa yoluxanların və ölənlərin sayında azalma müşahidə olunur. Bu isə pandemiyanın pik dövrünün geridə qaldığına ümid yaradır.
Dünyada alimlər xəstəliyin effektiv müalicə üsulunu və COVİD-19-a qarşı vaksin tapmağa çalışırlar. Bu yaxınlarda amerikalı həkimlər SARS-CoV-2 yeni koronavirusa qarşı klassik vaksinin ilk klinik sınaqlarının nəticələrini açıqlayıblar. Rusiyalı alimlər isə koronavirusun genini deşifrə etməyə müvəffəq olublar. Lakin onlar peyvəndin bir ildən tez əldə olunacağını vəd etmirlər.
Sputnik Azərbaycan elm adamları və həkimlərin mikroskopla virusu seyr edərkən gördüklərinə nəzər salmağı təklif edir.
