BAKI, 3 aprel — Sputnik. Livanda yerli telekanallardan birinin ev heyvanlarının koronavirus daşıyıcısı olması barədə yanlış məlumatı insanlar arasında panika yaradıb.
Sputnik Azərbaycan bildirir ki, "Əl-Əxbar" qəzetinin yaydığı məlumata görə, sakinlər evdə saxladıqları heyvanlardan tezliklə can qurtarmağa çalışıblar. Xeyli ev heyvanı küçəyə atılıb, bəziləri isə zəhərlənərək tələf olub.
Bir neçə gün əvvəl telekanalın canlı efirində bir müxbir xəbər verib ki, evdə saxlanan heyvanlar SARS-CoV-2 koronavirusunun daşıyıcılarıdır.
DO NOT ABANDON YOUR PETS! Please SHARE WIDELY
— AnimalsLebanon (@AnimalsLebanon) April 1, 2020
Abandoning your pet is not only ILLEGAL, it is an act of cruelty and will lead to suffering!
Your pet is not used to living on the streets - the pet will be starved, injured, poisoned and abused! pic.twitter.com/KxvcTJve4L
"Telekanal vətəndaşların koronavirusdan qorxmasını fürsət bilərək yalan xəbər yayıb, indi isə xeyli ev heyvanının tələf olmasına görə daşıdığı məsuliyyətdən yaxa qurtarmağa çalışır", - qəzet yazır.
Sosial şəbəkələrin Livan seqmenti də son günlər qəzəbli istifadəçilərin telekanalın ünvanına yağdırdığı ittihamlarla diqqət çəkir. Livan şəhərlərinin küçələrində dolaşan sahibsiz ev heyvanlarının video və fotoları paylaşılır. İnsanlar həmvətənlərini ev heyvanlarına qarşı mərhəmətli olmağa, onlara zərər yetirməməyə çağırırlar.
Pets abandoned after bogus report claims they transmit #COVID19#Lebanon #Beirut pic.twitter.com/WttLYseUgB
— Ruptly (@Ruptly) April 2, 2020
Cons Hopkins Universitetinin məlumatına görə, dünyada koronavirusa yoluxanların sayı 1 milyon nəfəri, onun törətdiyi COVID-19 xəstəliyindən ölənlərin sayı isə 51,5 mini keçib.
Ümumdünya Səhiyyə Təşkilatı isə öz növbəsində xəstələnənlərin sayının 900 min, ölənlərin isə 46 min olduğunu bəyan edib. ÜST həmçinin yaydığı açıqlamada ev heyvanlarının koronavirus daşıyıcısı olmadığını bəyan edib.
SARS-CoV-2 koronavirusu ötən ilin dekabrından Çinin Uhan şəhərində yayılmağa başlayıb. Hazırda dünyanın 180 ölkəsində insanlar bu virusa yoluxublar. ÜST koronavirus epidemiyasını martın 11-də pandemiya elan edib. Bu günədək 208 minədək insanın sağaldığı bildirilir.
