BAKI, 17 mart — Sputnik. Bu gün Azərbaycan Mərkəzi Bankında (AMB) Azərbaycan Dövlət Neft Fondunun iştirakı ilə valyuta hərracı keçirilib.
Sputnik Azərbaycan bu barədə AMB-yə istinadən xəbər verir.
Məlumata görə, bugünkü hərracda bankların tələbi son dəfə, yəni martın 13-də, keçirilən hərracla müqayisədə 14,9 mln ABŞ dolları və yaxud 5,6% azalaraq 250,3 mln ABŞ dolları təşkil edib.
Hərracda manatın ortaçəkili məzənnəsi yenə də 1,7000 AZN/USD səviyyəsində formalaşıb.
