BAKI, 15 mart — Sputnik. İltihab əleyhinə dərmanların koronavirusa yoluxan zaman istifadəsi səhhətə daha çox ziyan vura bilər.
Sputnik Azərbaycan bildirir ki, bu barədə Fransanın Səhiyyə naziri Olivye Veran özünün Twitter səhifəsində yazıb.
Onun sözlərinə görə, ibuprofen və kortizon xəstəliyin gedişatını ağırlaşdıra bilər. Yüksək hərarəti azatmaq üçün nazir parasetamol qəbul etməyi məsləhət görüb.
⚠️ #COVIDー19 | La prise d'anti-inflammatoires (ibuprofène, cortisone, ...) pourrait être un facteur d'aggravation de l’infection. En cas de fièvre, prenez du paracétamol.
— Olivier Véran (@olivierveran) March 14, 2020
Si vous êtes déjà sous anti-inflammatoires ou en cas de doute, demandez conseil à votre médecin.
"Əgər siz hazırda iltihab əleyhinə dərman qəbul edir və ya şübhələnirsinizsə, həkiminizlə məsləhət edin", - Veran yazıb.
Martın 14-də Avropa Parlamentinin sədri David Sassoli COVID-19 koronavirus infeksiyasının yayılması ilə bağlı Avropadakı durumu dəyərləndirib. Onun sözlərinə görə, "İkinci Dünya Müharibəsindən bu yana Avropa belə dramatik böhran yaşamayıb". Sassoli qeyd edib ki, Avropa Birliyi koronavirus və pandemiyanın iqtisadiyyata vurduğu zərərlərin qarşısını almaq üçün tədbirlər paketini qəbul edib. Onun fikrincə, heç bir Avropa ölkəsi özbaşına bu bəlanın öhdəsindən gələ bilməzdi.
Son məlumatlara görə, dünyada 155 mindən çox koronavirusa yoluxma faktı qeydə alınıb. Yoluxanların sayına görə dövlətlərin ilk onluğuna Avropadan beş ölkə - İtaliya, İspaniya, Almaniya, Fransa və AB-yə üzv olmayan İsveçrə daxildir.
