BAKI, 11 mart — Sputnik. İranda koronavirusdan ölənlərin sayı bir gün ərzində 63 nəfər artıb. Sputnik Azərbaycan xəbər verir ki, bunu İranın Səhiyyə nazirinin müşaviri Əli Rza Vahabzadə bildirib.
"Son 24 saat ərzində koronavirusa 958 yoluxma halı qeydə alınıb ki, bununla da ölkədə virusa yoluxanların sayı 9 minə çatıb. Bir gün ərzində 63 nəfər virusdan ölüb, bununla da ölkədə koronavirusdan ölənlərin sayı 354-ə çatıb", - deyə məlumatda bildirilib.
O, həmçinin qeyd edib ki, virusa yoluxan 9 min şəxsdən 2959-u sağalıb.
