BAKI, 10 mart — Sputnik. Sabahdan başlayaraq "Dərs vaxtı" layihəsi ilə "Mədəniyyət" televiziyasında teledərslərə start veriləcək. Sputnik Azərbaycan Təhsil Nazirliyinin məlumatına istinadla xəbər verir ki, teledərslərdə əksər fənlər yer alacaq.
Bu proqramda teledərslər bütün sinifləri əhatə edəcək, dərs mövzularına dair qısa izah və təlimatlar təqdim olunacaq.
İbtidai siniflərlərdə “Azərbaycan dili”, “Riyaziyyat”, “Həyat bilgisi”, “Təsviri incəsənət”, “Xarici dil”, 5-11-ci siniflərdə isə “Azərbaycan dili”, “Riyaziyyat”, “Xarici dil”, “Tarix”, “Coğrafiya”, “Kimya”, “Fizika”, “Biologiya” fənləri üzrə qısa videodərslər təqdim ediləcək.
Daha geniş məlumat videoanonsda verilir.
