BAKI, 8 mart — Sputnik. Çinin 100 yaşlı sakini ölümcül Covid-19 koronvirusundan sağalıb. Sputnik Azərbaycan Xinhua agentliyinə istinadla xəbər verir ki, o, dəhşətli virusa qalib gələn ən yaşlı şəxsdir.
Adı açıqlanmayan kişi fevralın 24-də yerli xəstəxanalardan birinə aparılıb. Onu sağaltmaq üçün virus əleyhinə dərmanlardan, ənənəvi Çin tibb üsullarından, eləcə də plazma köçürülməsindən istifadə edilib. 13 gün sonra ahıl kişi sağalıb və onu xəstəxanadan buraxıblar.
Qeyd edilir ki, koronovirusdan savayı kişi Altsheymer xəstəliyindən, hipertoniyadan və ürək çatışmazlığından əziyyət çəkirmiş.
Adı çəkilməyən xəstənin 100 yaşı fevralda tamam olub.
Son məlumatlara görə, dünyada 110 minə yaxın adam yeni növ koronavirusa yoluxub. Onlardan 3800 nəfəri vəfat edib. 60 mindən çox adam sağalıb.
