BAKI, 7 mart — Sputnik. Sumqayıtdakı "Sülh göyərçini" abidəsinin müəllifi vəfat edib.
Sumqayıtın simvoluna çevrilmiş "Sülh göyərçini" abidəsinin müəllifi heykəltəraş, Əməkdar incəsənət xadimi Vaqif Nəzirov 80 yaşında dünyasını dəyişib.
Qeyd edək ki, V. Nəzirov 1940-cı ildə anadan olub. Ə.Əzimzadə adına rəssamlıq məktəbini, Tiflisdə Rəssamlar Akademiyasını bitirib. Sumqayıtla tanışlığı isə 1968-ci ildən başlayıb. Sumqayıta baş rəssam kimi dəvət alıb və ömrünün 50 ilini şəhərin abadlaşdırılmasına həsr edib.
Müəllifi olduğu "Sülh göyərçini" abidəsi 1978-ci ildə ucladılıb.
Allah rəhmət eləsin!
