BAKI, 5 mart — Sputnik. Türkiyənin Milli Müdafiə Nazirliyi son 24 saat içərisində "Bahar qalxanı" əməliyyatında Bəşər Əsəd rejiminin itki və tələfatını açıqlayıb.
Sputnik Azərbaycan "Sözcü"yə istinadla xəbər verir ki, son 24 saatda Bəşər Əsəd rejiminin 184 əsgəri zərərsizləşdirilib.
Açıqlamaya görə, "Bahar qalxanı" əməliyyatı gecə boyunca qurudan və havadan uğurla davam etdirilib. Son 24 saat içərisində 4 tank, 5 top, 3 tankvuran silah, 8 hərbi maşın və s. məhv edilib.
Qeyd edək ki, Türkiyə fevralın 27-də Suriyanın İdlib vilayətində 36 hərbçisinin şəhid edilməsindən sonra "Bahar qalxanı" əməliyyatına başlayıb.
