AVRO-2020 üzrə Bakı könüllü komandası fevralın 18-dən martın 2-dək Rusiyada səfərdə olub. Komanda “Qazprom Arena”da baş tutmuş Rusiya Premyer Liqası çərçivəsində “Zenit” - “Lokomotiv” oyununun təşkilində iştirak edib. Könüllülərimiz, eyni zamanda, “Zenit” könüllüləri ilə görüşdə müşahidəçi kimi fəaliyyət göstəriblər.
Xatırladaq ki, UEFA AVRO-2020-nin Bakıda keçiriləcək 3 oyununun (Uels – İsveçrə, Türkiyə – Uels, İsveçrə – Türkiyə) və 1/4 final qarşılaşmasının təşkilati işlərində müxtəlif sahələr və funksiyalar üzrə 2020 könüllü çalışacaq.
AFFA tərəfindən 2019-cu ilin iyun ayından etibarən isə könüllülərin qeydiyyat mərhələsinə start verilmişdi. Beş ay ərzində 6797 könüllü namizəd qeydiyyatdan keçmişdi.
Qeyd edək ki, müraciət sayına görə Bakı şəhəri Avropa çempionatı təşkil olunacaq 12 şəhər arasında ən yüksək göstəriciyə sahibdir.
