BAKI, 4 mart — Sputnik. Azərbaycan Respublikasının Prezidenti İlham Əliyev martın 4-də Tovuzda "ASAN Həyat" kompleksinin açılışında iştirak edib. Sputnik Azərbaycan xəbər verir ki, dövlət başçısı kompleksin rəmzi açılışını bildirən lenti kəsib. Kompleks barədə prezidentin köməkçisi - Prezident Administrasiyasının Hüquq mühafizə orqanları ilə iş şöbəsinin müdiri Fuad Ələsgərov və Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev dövlət başçısına məlumat veriblər.
Prezident İlham Əliyev kompleksdə təqdim edilən innovativ yeniliklərlə tanış olub.
