BAKI, 1 mart — Sputnik. "SpaceX" aerokosmik agentliyinin banisi və "Tesla" şirkətinin icraçı direktoru İlon Mask öz "Twitter" səhifəsində yazıb ki, ABŞ istehsalı olan "F-35" qırıcılarının uzaqdan idarə olunan pilotsuz qırıcılar qarşısında şansı yoxdur.
Sputnik Azərbaycan xəbər verir ki, bununla da ixtiraçı "Aviation Week" jurnalının əməkdaşı Li Hadsonun Maskın "F-35"-lərin alternativinin yaradılması haqqında fikrinə dair postunu şərh edərkən bildirib.
"Rəqib (F-35 - red.) insan tərəfindən uzaqdan idarə edilən pilotsuz qırıcı təyyarə olmalıdır, onun manevrləri avtonom şəkildə tənzimlənməlidir. "F-35"-lərin ona qarşı heç bir şansı yoxdur", - deyə "SpaceX"-in yaradıcısı qeyd edib.
Qeyd edək ki, Mask havada müharibə sahəsində novator ideyaların olub-olmamasına dair sualı cavablandırarkən qeyd edib ki, "qırıcıların erası artıq bitib".
Onun sözlərinə görə, bu sahədə gələcək pilotsuz uçan aparatların əlindədir.
