BAKI, 28 fevral — Sputnik. Oğuzda silahlı insident baş verib.
Sputnik Azərbaycan APA-ya istinadla xəbər verir ki, hadisə bu gün səhər saatlarında rayonun Kərimli kəndində qeydə alınıb. Güllələnən şəxs hadisə yerində ölüb.
Güllələnərək öldürülən şəxs rayonun Kərimli kənd sakini, 1965-ci il təvəllüdlü Elşən Füruddin oğlu Abdullayevdir. O, qonşusu Məsimov Zərqəm Məmməd oğlu tərəfindən ov tüfəngi ilə güllələnib. Z.Məsimov saxlanılıb.
Ondan cinayətdə istifadə etdiyi “Tula” markalı tüfəng götürülüb.
Hadisə yerinə hüquq-mühafizə orqanlarının əməkdaşları cəlb edilib.
Faktla bağlı Oğuz rayon Prokurorluğunda cinayət işi başlanıb, istintaq gedir.
