BAKI, 28 fevral — Sputnik. Azərbaycan Respublikasının Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida zəncirinin bütün mərhələlərində qida təhlükəsizliyinin təmin edilməsi istiqamətində tədbirləri davam etdirir. Agentlikdən Sputnik Azərbaycan-a verilən məlumata görə, "Valehlər" MMC tərəfindən Çin Xalq Respublikasından idxal olunan "Ləziz çərəz" əmtəə nişanlı kivi qurusuna qida təhlükəsizliyi sertifikatının verilməsi üçün AQTA-ya müraciət edilib.
![Sərhədimizdə Çindən gələnləri məhv etdilər Sərhədimizdə Çindən gələnləri məhv etdilər - Sputnik Azərbaycan](https://cdnn1.img.sputnik.az/img/42327/93/423279378_0:0:1280:720_600x0_80_0_0_34c126c1f0148ee4f8238796b8194625.jpg)
Daxil olan müraciətə əsasən, Agentlik əməkdaşları məhsuldan nümunələr götürərək Azərbaycan Qida Təhlükəsizliyi İnstitutunun (AQTİ) müvafiq laboratoriyasına təqdim ediblər. Analizin nəticələrinə görə məhsulun tərkibində salmonella aşkarlanıb.
Təhlükəsizlik göstəriciləri texniki normativ hüquqi aktların tələblərinə uyğun olmayan xalis çəkisi 1 500 kq olan "Ləziz çərəz" əmtəə nişanlı kivi qurusu Sumqayıt Təhlükəli Tullantılar poliqonunda məhv edilib.
![Sərhədimizdə Çindən gələnləri məhv etdilər Sərhədimizdə Çindən gələnləri məhv etdilər - Sputnik Azərbaycan](https://cdnn1.img.sputnik.az/img/42327/93/423279383_0:0:1152:864_600x0_80_0_0_96b3cac6fad6d1f6b9e2c6e2adf3921b.jpg)
AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısı alınacaq.